Greisverkehr
Hoamatbecken

Hoamatbecken

Bavarian Koaner

Gedichte auf Bayrisch. Die Sprache der Menschen mit denen ich aufgewachsen bin. Sie hat ihren eigenen Zauber und mit einem einfachen "Ha" kann man ganze Geschichten erzählen.

Summadog

Vom Himme a Stück
Und vom Goaßpeterl as Glück
A bunter Bong aus Licht und Reng
Erst amoi schaung, na wermas scho seng
A Mai voi Radieserl
A Eckerl am Tisch
A Schmatzer vom Lieserl
Und Steckerlfisch

Aufd Nacht kemman no d’Sterndal daher
Jetzt no a Liabschaft, was braucht ma no mehr!

Da Hirgscht kimmt

De Brezn san gsoizn
und gsiedet da Loam
Da wo’s Bierfuizl foizn
do samma dahoam

Do hock ma am Stammtisch,
san alle recht zwida
macht uns oana narrisch
na mach ma’n hoid nieda

Bläd samma ned
nur a bissl brunzdumm
und wenn gar nix mehr geht
laff ma auf da Straß umadum

Machan a Gschroa
gegan de großkopfatn Glätzn
Mia ham ja sonst nix zum doa
außerm Soizn vo Brezn